قول كلام غير ده
فى جريدة ما قرأت خبرا يقول:
«القبض على عصابة لنبش القبور لاستخراج الجثث وبيعها للطلاب»
، ثم.. لجأ تُربى ومساعده بمنطقة عزبة الشرفا بالمرج إلى حيلة شيطانية لتحقيق الربح الوفير من خلال استخراج
الجثث من المدافن وبيعها بمبالغ باهظة لطلاب كليات الطب، ثم.. وبمداهمة منزل المتهم هو وابن عمه عثر على
عشر جثث كانت معدة للبيع... إلخ.
? وجدتنى أقرأ الخبر وكأننى أستعيد فيلماً قديماً رأيته مئات المرات.. يا راجل؟؟؟؟؟؟؟ حيلة شيطانية؟؟؟؟؟.. إنت
بتتكلم جد؟؟؟؟.. لقد نقلت لى شعوراً بأنك مذهول من هول المفاجأة ومصدوم من قسوة هؤلاء التُربية الذين قاموا
بهذه الفعلة الشنعاء..
? نفس رد الفعل المتوقع عند قراءة خبر القبض على موظف عمومى متلبساً بتلقى رشوة وذلك بعد فحص ومحص
وتحرى وتتبع ووضع خطط وتقسيم كتائب وفرق البحث والمقاومة للقبض على المجرم العتى ابن اللذين الذى قبض
الرشوة.. ياااااراجل؟؟؟؟؟... قول كلام غير ده.. ومسكتوه إزاى ده؟؟؟.. طلعتوه إزاى من وسط كل المرتشين
دول؟؟.. واشمعنى ده يعنى اللى حظه الأغبر وقعه.. كأن المسألة تتم بالقرعة.. أمامك شارع كامل زى شارع
رمسيس كده.. كله مرشق ناس بتسلم رشاوى وناس بتستلم.. قال ورحنا قابضين من وسط دول كلهم على المتعوس
خايب الرجا ده دونا عن كل زمايله.. ليه واشمعنى؟؟.. حظ مامته النحس بقى..
? فقالك حيلة شيطانية وانتبه السكان لأن القبور منكوشة ومنبوشة فبلغوا السلطات فمسكوا المجرمين.. كأنها بدعة لم
نسمع عنها من قبل.. كأن هذا لا يحدث منذ قديم الأزل.. كأن كل طالب طب لا يضطر فى لحظة ما لسرقة جثة أو
على أقل تقدير سرقة عظامها.. حسب شطارته بقى.. كأن الأهالى لا يعلمون وهم يطمحون فى دخول أولادهم كليات
الطب إنهم حاييجى عليهم يوم ويضطروا للخروج ليلا فى سيارات للبحث عن جثث لدى تربية المدافن.. خصوصا لو
كانوا طلبة فى السنتين الأولى والثانية.. حيث يحتاجون فى هاتين السنتين إلى التعرف على علم «الأناتومى» أو
التشريح.. فإذا كان الطالب يتلقى الدرس فى الكلية فهو يذاكر فى مشرحتها التى توفر لهم الجثث بطريقة شبه شرعية
وإن كانت ليست كافية.. لذلك يحتاج كثير من الطلبة للحصول على دروس خصوصية فى هذه المادة.. فى هذه الحالة
عادة ما يتفق مدرس المادة مع تُربية بعينهم يوفرون له الجثث.. ثم يرسل الطلبة ليحصلوا على هذه الجثث وياخدوها
البيت.. عشان يطلع هو زى الشعرة م العجين لو العيال اتقفشوا..
? جعلنى هذا الخبر أعود للوراء بذاكرتى أيام ما كنت فى تانية ثانوى وعندى أمل رهيب فى دخول كلية الطب..
وكنت أتمسح فى أصحابى الذين دخلوا فعلا الكلية وأرى فيهم القدوة والأمل.. على اعتبار إنى حاحصلهم..
طبعاحصلتهم ودية اكبر نيلة.. جبت مجموع يدخلنى كلية الطب علشان حظى المهبب.. المهم..
? كنت أراهم وهم يتربصون بالمشرحة حتى يصلها قتيل مالوش صاحب ليتسللوا لسرقة بعض أعضائه.. وعندما
كنت أندهش جدا كانوا يشرحون لى احتياجهم للمذاكرة وهو ده اللى موجود.. يعنى أسقط؟؟.. ما اسرقش جثث
واسقط؟؟..
? وتحول الأمر بعدها لاستغلالى وأنا طالبة الثانوى التى تتمسح بهم ومستعدة تعمل أى حاجة عشان يرضوا عليها
ويعيشوها معاهم تفاصيل العلم الذى كان منتهى طموحها.. فبقوا يشيلونى بعض هذه التهم.. حيث كانت صديقتى لا
تجرؤ على إحضار هذه الأعضاء إلى البيت.. فكنت أذهب أنا كأنى بزورها واخبط عالباب ومساء الخير يا تانت
لملومة موجودة؟؟
.. آه اتفضلى يا حبيبتى.. هى جوه بتذاكر فى أودتها.. فأتسلل أنا إلى أودتها وادب إيدى أطلع من الشنطة اللى فيه
النصيب.. مرة كلية محشية حصوة كبيرة.. جمجمة.. دراع.. اللى تجود بيه المشرحة..
? أحد أصدقائى زمان كان يسكن فى بيت ريفى كبير محاط بحدائق الفاكهة.. ولهذا كان مطمعا من زملائه الذين رأوا
فى منزله مخبأ رائعاً للجثث.. وعندما اعترضت والدته أقنعها إن ده عشان مستقبله.. وكمان عشان لو الناس اللى
حوالين البيت عرفوا إن فيه جثث حايخافوا يقربوا وبهذا تمتنع السرقة والتعديات.. خرج مع زملائه فى الرحلة الليلية
ليتسلموا جثتين لرجل وامرأة.. شالوهم فى شنطة العربية وفى الطريق للبيت استوقفتهم لجنة.. رُكَبْهم خبطت فى
بعض.. وصديقى فضل يلعن أبو اليوم اللى دخله كلية الطب..
فلو تم ضبطهم وطلع الظابط غلس حايلبسوا مصيبة ومستقبلهم يروح.. المهم ربنا ستر وعدوا م اللجنة.. توجهوا إلى
بيت صديقى وتم تغطيس الجثتين فى الفورمالين فى البانيو.. وظلت الجثتان فى هذا البانيو عامين دراسيين كاملين..
كل شوية يصدر مدرس المادة أوامره.. هاتلنا يا بنى رجل حريمى النهاردة.. والنبى وانت جاى يا ياسر بكرة جيب
معاك جمجمة الأستاذ وماتنساش ترجع كوع المدام فى البانيو أحسن يحمض.. وعندما انتهت المهمة أصر صديقى
ياسر على لملمة الجثتين إيدين ورجلين وباقى التفاصيل فى شوالين وعاد بهم إلى نفس المدفن الذى انتزعتا منه.. من
باب الشهامة يعنى.
? أما الذى أثارنى فى الأمر فهو السؤال التالى.. معقولة لسه بنسرق جثث الميتين لحد دلوقتى؟؟
.. هل هذا يحدث فى دول العالم المتقدم؟؟.
. يعنى معقولة الطلبة فى أمريكا وأوروبا وأستراليا والبلاد دى بينزلوا بالليل يدوروا على ميتين عشان يذاكروا؟؟
طيب ما هو وضع التربى؟؟.
. هل يتم العفو عنه مثلا عندما يتضح أنه يخدم العلم؟؟.. هل يتم تجريمه فى كل الأحوال؟؟
.. هل يتم تجريم الطالب؟؟..
وهل إخلاء سبيل الطالب أمر قانونى أم كوسة
.. ألا يعتبر مشتركاً فى الجريمة حتى لو كان بهدف علمى؟؟.. لماذا نعرضه أصلاً لهذه المخاطرة؟؟
.. لماذا لا نوفر له نماذج مصنعة كما تفعل جامعات الدنيا؟؟.. لماذا نلوم عليه بقى لو طلع علمه ناقص؟؟
.. كيف يمكن أن يتقدم بنا الحال ونحن لازلنا نترك مثل هذه المشاكل تحدث ونعرض العيال لهذه المغامرات؟؟
.. وفى نفس الوقت نترك ثغرة تسمح بأن يتقفش ناس معاهم جثث ويطلع الظابط مش غلس ويفوتهم
.. وهما قتالين قتلا بحق وحقيق..
? ألا تشعروا معى إن فيه استهبال فى الموضوع.. شأن أمور أخرى كثيرة فى بلدنا؟؟؟؟؟؟؟؟؟؟
ارجوكم خلوا الدكاترة تتعلم من غير سرقة جثث
فى جريدة ما قرأت خبرا يقول:
«القبض على عصابة لنبش القبور لاستخراج الجثث وبيعها للطلاب»
، ثم.. لجأ تُربى ومساعده بمنطقة عزبة الشرفا بالمرج إلى حيلة شيطانية لتحقيق الربح الوفير من خلال استخراج
الجثث من المدافن وبيعها بمبالغ باهظة لطلاب كليات الطب، ثم.. وبمداهمة منزل المتهم هو وابن عمه عثر على
عشر جثث كانت معدة للبيع... إلخ.
? وجدتنى أقرأ الخبر وكأننى أستعيد فيلماً قديماً رأيته مئات المرات.. يا راجل؟؟؟؟؟؟؟ حيلة شيطانية؟؟؟؟؟.. إنت
بتتكلم جد؟؟؟؟.. لقد نقلت لى شعوراً بأنك مذهول من هول المفاجأة ومصدوم من قسوة هؤلاء التُربية الذين قاموا
بهذه الفعلة الشنعاء..
? نفس رد الفعل المتوقع عند قراءة خبر القبض على موظف عمومى متلبساً بتلقى رشوة وذلك بعد فحص ومحص
وتحرى وتتبع ووضع خطط وتقسيم كتائب وفرق البحث والمقاومة للقبض على المجرم العتى ابن اللذين الذى قبض
الرشوة.. ياااااراجل؟؟؟؟؟... قول كلام غير ده.. ومسكتوه إزاى ده؟؟؟.. طلعتوه إزاى من وسط كل المرتشين
دول؟؟.. واشمعنى ده يعنى اللى حظه الأغبر وقعه.. كأن المسألة تتم بالقرعة.. أمامك شارع كامل زى شارع
رمسيس كده.. كله مرشق ناس بتسلم رشاوى وناس بتستلم.. قال ورحنا قابضين من وسط دول كلهم على المتعوس
خايب الرجا ده دونا عن كل زمايله.. ليه واشمعنى؟؟.. حظ مامته النحس بقى..
? فقالك حيلة شيطانية وانتبه السكان لأن القبور منكوشة ومنبوشة فبلغوا السلطات فمسكوا المجرمين.. كأنها بدعة لم
نسمع عنها من قبل.. كأن هذا لا يحدث منذ قديم الأزل.. كأن كل طالب طب لا يضطر فى لحظة ما لسرقة جثة أو
على أقل تقدير سرقة عظامها.. حسب شطارته بقى.. كأن الأهالى لا يعلمون وهم يطمحون فى دخول أولادهم كليات
الطب إنهم حاييجى عليهم يوم ويضطروا للخروج ليلا فى سيارات للبحث عن جثث لدى تربية المدافن.. خصوصا لو
كانوا طلبة فى السنتين الأولى والثانية.. حيث يحتاجون فى هاتين السنتين إلى التعرف على علم «الأناتومى» أو
التشريح.. فإذا كان الطالب يتلقى الدرس فى الكلية فهو يذاكر فى مشرحتها التى توفر لهم الجثث بطريقة شبه شرعية
وإن كانت ليست كافية.. لذلك يحتاج كثير من الطلبة للحصول على دروس خصوصية فى هذه المادة.. فى هذه الحالة
عادة ما يتفق مدرس المادة مع تُربية بعينهم يوفرون له الجثث.. ثم يرسل الطلبة ليحصلوا على هذه الجثث وياخدوها
البيت.. عشان يطلع هو زى الشعرة م العجين لو العيال اتقفشوا..
? جعلنى هذا الخبر أعود للوراء بذاكرتى أيام ما كنت فى تانية ثانوى وعندى أمل رهيب فى دخول كلية الطب..
وكنت أتمسح فى أصحابى الذين دخلوا فعلا الكلية وأرى فيهم القدوة والأمل.. على اعتبار إنى حاحصلهم..
طبعاحصلتهم ودية اكبر نيلة.. جبت مجموع يدخلنى كلية الطب علشان حظى المهبب.. المهم..
? كنت أراهم وهم يتربصون بالمشرحة حتى يصلها قتيل مالوش صاحب ليتسللوا لسرقة بعض أعضائه.. وعندما
كنت أندهش جدا كانوا يشرحون لى احتياجهم للمذاكرة وهو ده اللى موجود.. يعنى أسقط؟؟.. ما اسرقش جثث
واسقط؟؟..
? وتحول الأمر بعدها لاستغلالى وأنا طالبة الثانوى التى تتمسح بهم ومستعدة تعمل أى حاجة عشان يرضوا عليها
ويعيشوها معاهم تفاصيل العلم الذى كان منتهى طموحها.. فبقوا يشيلونى بعض هذه التهم.. حيث كانت صديقتى لا
تجرؤ على إحضار هذه الأعضاء إلى البيت.. فكنت أذهب أنا كأنى بزورها واخبط عالباب ومساء الخير يا تانت
لملومة موجودة؟؟
.. آه اتفضلى يا حبيبتى.. هى جوه بتذاكر فى أودتها.. فأتسلل أنا إلى أودتها وادب إيدى أطلع من الشنطة اللى فيه
النصيب.. مرة كلية محشية حصوة كبيرة.. جمجمة.. دراع.. اللى تجود بيه المشرحة..
? أحد أصدقائى زمان كان يسكن فى بيت ريفى كبير محاط بحدائق الفاكهة.. ولهذا كان مطمعا من زملائه الذين رأوا
فى منزله مخبأ رائعاً للجثث.. وعندما اعترضت والدته أقنعها إن ده عشان مستقبله.. وكمان عشان لو الناس اللى
حوالين البيت عرفوا إن فيه جثث حايخافوا يقربوا وبهذا تمتنع السرقة والتعديات.. خرج مع زملائه فى الرحلة الليلية
ليتسلموا جثتين لرجل وامرأة.. شالوهم فى شنطة العربية وفى الطريق للبيت استوقفتهم لجنة.. رُكَبْهم خبطت فى
بعض.. وصديقى فضل يلعن أبو اليوم اللى دخله كلية الطب..
فلو تم ضبطهم وطلع الظابط غلس حايلبسوا مصيبة ومستقبلهم يروح.. المهم ربنا ستر وعدوا م اللجنة.. توجهوا إلى
بيت صديقى وتم تغطيس الجثتين فى الفورمالين فى البانيو.. وظلت الجثتان فى هذا البانيو عامين دراسيين كاملين..
كل شوية يصدر مدرس المادة أوامره.. هاتلنا يا بنى رجل حريمى النهاردة.. والنبى وانت جاى يا ياسر بكرة جيب
معاك جمجمة الأستاذ وماتنساش ترجع كوع المدام فى البانيو أحسن يحمض.. وعندما انتهت المهمة أصر صديقى
ياسر على لملمة الجثتين إيدين ورجلين وباقى التفاصيل فى شوالين وعاد بهم إلى نفس المدفن الذى انتزعتا منه.. من
باب الشهامة يعنى.
? أما الذى أثارنى فى الأمر فهو السؤال التالى.. معقولة لسه بنسرق جثث الميتين لحد دلوقتى؟؟
.. هل هذا يحدث فى دول العالم المتقدم؟؟.
. يعنى معقولة الطلبة فى أمريكا وأوروبا وأستراليا والبلاد دى بينزلوا بالليل يدوروا على ميتين عشان يذاكروا؟؟
طيب ما هو وضع التربى؟؟.
. هل يتم العفو عنه مثلا عندما يتضح أنه يخدم العلم؟؟.. هل يتم تجريمه فى كل الأحوال؟؟
.. هل يتم تجريم الطالب؟؟..
وهل إخلاء سبيل الطالب أمر قانونى أم كوسة
.. ألا يعتبر مشتركاً فى الجريمة حتى لو كان بهدف علمى؟؟.. لماذا نعرضه أصلاً لهذه المخاطرة؟؟
.. لماذا لا نوفر له نماذج مصنعة كما تفعل جامعات الدنيا؟؟.. لماذا نلوم عليه بقى لو طلع علمه ناقص؟؟
.. كيف يمكن أن يتقدم بنا الحال ونحن لازلنا نترك مثل هذه المشاكل تحدث ونعرض العيال لهذه المغامرات؟؟
.. وفى نفس الوقت نترك ثغرة تسمح بأن يتقفش ناس معاهم جثث ويطلع الظابط مش غلس ويفوتهم
.. وهما قتالين قتلا بحق وحقيق..
? ألا تشعروا معى إن فيه استهبال فى الموضوع.. شأن أمور أخرى كثيرة فى بلدنا؟؟؟؟؟؟؟؟؟؟
ارجوكم خلوا الدكاترة تتعلم من غير سرقة جثث
